नेपाल सरकार
उद्योग मन्त्रालय

खानी तथा भूगर्भ विभाग

स्वागत मन्तव्य

नेपालमा भौगर्भिक अध्ययन, अनुसन्धान तथा खनिज सम्पदाको प्रबर्धन एवं बिकासको लागि एक मात्र सरकारी निकायका रुपमा खानी तथा भूगर्भ विभाग क्रियाशील रहेको छ । नेपालको संभवत सबैभन्दा पुरानो बिभागहरु मध्ये एउटा विभागको रुपमा आफ्नो परिचय बनाउन सफल यस विभागकोे विकासक्रमको ऐतिहासिक पृष्ठभूमि केलाएर हेर्ने हो भने बि. सं. १९८६ मा नहर तथा जियोलजि अड्डा , बि. सं. १९९९ मा खानी अड्डा, बि. सं. २०२४ मा भौगभिक सर्भेक्षण बिभाग  हुंदै बि. सं. २०३३ मा आएर यसको नामाकरण खानी तथा भूगर्भ विभाग हुन पुगेको हो ।

यस विभाग अन्तर्गत भूबिज्ञान, खनिज सम्पदा, प्रशासन तथा प्राविधिक सेवा गरी ३ ओटा महाशाखा र यी महाशाखा अन्तर्गत २५ वटा शाखाहरु रहेका छन् भने पेटोलियम अन्वेषण परियोजना तथा राष्ट्रिय भुकम्प मापन केन्द्र समेत यसै विभाग अन्तरगत रहेका छन् । बिभागले प्रदान गर्ने सेवालाई चुस्त एवं दुरुस्त राख्न प्राविधिक र प्रशासनिक गरि जम्मा २१६ दरबन्दि रहेकोमा हाल १२१ कर्मचारीहरु यस विभागमा कार्यरत छन् ।

समाचार र घटनाहरू